هذه مجموعة من الدارميات أنشالله تنال اعجابكم..
هم حلو هم زغير هم أزرك عيون..
بس بيه طبع يا ناس بس يوعد يخون..
سود العيون كبار و الحلك محبس..
و يستره رب الكون لو دلع يلبس..
من جبت طاري هواي تيهت شوري..
خدرت بالفانوس حسبالي قوري..
إنهجم بيت العين هلكد وكيحة..
كلما يمر حليو تكلي صيحة..
صب دمعي عالكاع و حرك دغلهة..
و البصرة و العشار هي و نخلهة..
مانمت نص الليل حلّف النخدة..
و الدمع صاير سيل للركبة حدة..
أريد أسألك العشاق من مثلي مشتاق..
بحضني غافي هواي و أبجي من الفراق..
حسرة و حدرهة أحاه و بكلبي لوعة..
كلما أضوك الزاد أركض و أزوعة..
همك و هم الليل و هم هم ألأيام..
لو وحدة منهن بيك ماتكدر تنام..
همك و هم الناس و هم الله فوكة..
صاحت عليه الناس جن عندي بوكة..
متعجب المهموم يشرب جكارة..
كلبي بكثر مانوح تجويني نارة..
رش الدرب تيزاب حافي اعتنيلك..
جا شلي بالرجلين الما تجيلك..
رش الدرب تيزاب و أزرعة ألغام..
يصير اللحم طشار, أوصلك عظام..
حط باللبن تيزاب ممنون أشربه..
بس لا أشوفك يوم تمشي وية غربة..
يسألني البطران ليش وجهك أصفر..
ما يدري عالمحبوب كلبي تفطر..
يسألني البطران ليش راسك أكرع..
ما يدري عالحلوين شعري تشلع..
يسألني البطران أعربلي كان..
حسبالة مثل العام عقلي بمكانة..
شحجي شكول للناس من همي شحجي..
مليان بالحسرات بس أحجي أبجي..
موضوع: دارميات منوعة 
الإثنين أغسطس 03, 2009 5:18 pm
